Пченицата ќе чини од 13 до 15 денари во зависност од квалитетот
Објавено во: Агробизнис 06 Јули, 2013
Мелничарите, земјоделците и министерот за земјоделство, Љупчо Димовски договорија откупната цена на пченицата да изнесува од 13 до 15 денари, во зависност од кавлитетот.
Министерот Димовски истакна дека Македонија со условениот увоз на пченица и брашно од соседните држави го штити своето домашно произвдоство. Но, по најавата на Србија дека и таа ќе воведе условен увоз на македонското вино и домати, Димовски забележа дека нашиот сосед треба да има контраагрументи. Македонија одлуката за условен увоз на пченица и брашно од Србија ја има донесено согласно законот за земјоделство и договорот со ЦЕФТА.
Но, Владата на Србија вчера соопшти дека ќе воведе мерки на реципроцитет кон Македонија доколку во наредните 10 дена не биде решен проблемот на ограничување на увоз на српско брашно и пченица во таа земја.
Министерот за трговија на Србија, Расим Љаиќ, упати писмо до ЦЕФТА со итно барање на вонредна седица на ова тело по повод решението на македонската влада, со кој е прекршен договорот на ЦЕФТА.
Нашата земја оваа година од Србија има увезено 27 000 тони брашно, според Димовски со ограничениот увоз на брашно и пченица од соседна Србија се заштитува мелничарско-пекарскиот сектор, кој го врши домашниот откуп на лебното зрно.
Мерките на Владата на Македонија, според која за еден килограм увезена пченица македонските увозници мораат да купат 3 килограми домашна пченица, а за килограм брашно 4 килограми домашна пченица, започнаа да се применуваат од 1. јули.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
