Пелагонија под вода, Министерот ќе чисти канали во битолско
Објавено во: Агробизнис 11 Април, 2013
Речиси 3 000 хектари обработлива земјоделска површина сe поплавени во Пелагонија. Според министерот за земјоделство Љупчо Димовски кој денеска ги посети поплавените подрачја и увиде дека станува збор за една од најголемите поплави во овој реон.
„Стручни лица кои ќе извршат проценка на оштетувањата врв житните култури. Ќе и предложиме на Владата соодветно обештетување на земјоделците. Станува збор за вондредни временски прилики„ - изјави Димовски. Тој посочи дека само на седми април наврнале над 60 литри дожд на метар квадратен што е огромна вода за Пелагонискиот регион.
Според податоците од УХМР протокот на вода во реката Црна се искачил од 79,50 на 173 метри кубни во секунда, а поројните дождови довеле до прелевање на реката и попуштањето на Десеттиот канал.
Поплавени се главно есенските посеви со жито. Сега земјоделците се надеваат на обештетувања од државата бидејќи посевите не се осигурени.
Димовски најави дека на лето детално ќе се чисти каналската мрежа во Битолско, како и коритото на Црна Река неисчистено 30 години. Но, ќе следуваат и казни за несовесните земјоделци кои ги затнуваат одводните канали.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
