Пелагониските земјоделци не очекуваат промена на одлуката за заштита на пченицата
Објавено во: Агробизнис 11 Јули, 2013 14:34
Пелагониските земјоделци не очекуваат дека Владата на Македонија ќе ја промени одлуката за заштита на домашната пченица. Тие за ова во наредните денови ќе зборуваат и со премиерот Никола Груевски.
Ова доаѓа по вчерашната средба на министерот за земјоделие на Македонија и министерот за надворешна и внатрешна трговија на Србија. Српскиот министер беше дециден дека очекува и добил ветување дека Владата на Македонија ќе ја отповика донесената одлука. „Ние очекуваме во текот на наредните неколку денови да се сретнеме со нашиот премиер, за да му ги кажеме нашите маки ако дојде до замрзнување, односно отповикување на оваа одлука и се надеваме дека ќе имаме помош од него“ вели Вељо Тантаров од Сојузот на земјоделци, објави „Макфакс“. Според Тантаров заради временските неприлики, ќе има помал род, но со подобар квалитет. Министерството за земјоделие по вчерашната средба соопшти дека одредбата за врзување на увозот на пченица и брашно со откуп на домашна пченица може да се случи откако воведената мерка ќе даде резултат.
Но, покрај тоа што првично земјоделците беа шокирани од најавата дека мерката ќе се укине, сега велат дека и онака секоја година по краток период од воведувањето, мерката се повлекувала.
- Доколку повлекувањето на мерката биде за неколку месеци односно наесен кога ќе би завршил и откупот кај нас, тогаш нема никаква опасност од нејизното укинување. Секоја година ние во ек на жетва бараме воведување на оваа мерка, а потоа кога работите ќе се стабилизираат сами бараме мерката да се повлече, вели Ефтим Шаклев, претседател на Асоцијацијата на земјоделци на Македонија.
Според бизнисмените од мелничко-пекаркаста индустрија доколку мерката се укине овој период, тогаш тие ќе мора да ги променат сегашните склучени договори за откуп на пченица со домашните производители, пазарот ќе биде либерализиран и нив во тој случај поефтино ќе им биде да земаат пченица од Србија чија откупна цена во моментов е 9 денари за килограм.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
Koj е најголемиот европски центар за производство на зеленчук?
