Пендаровски: Ја поддржувам одлуката на Шведска за влез во НАТО
Објавено во: Македонија 17 Мај, 2022
Претседателот Стево Пендаровски на средба со шведската амбасадорка во Скопје, Кристин Форсгрен Бенгтсон, порача дека ја поддржува одлуката на Шведска да го започне процесот за членство во НАТО.
„Ја поздравувам одлуката на Шведска да поднесе барање за членство за прием во НАТО. Тоа е одлука на суверена држава која има право на тоа, која се поклопува со нашите државни позиции поддржувајќи ја политиката на отворени врати на Алијансата.
Со шведската амбасадорка Кристин Форсгрен Бенгтсон разговаравме за динамиката на процесот на пристапување во НАТО и се согласивме дека одличните билатерални односи ќе добијат на уште посилен интензитет преку идното сојузништво во Алијансата“, објави Пендаровски.