Пендаровски ќе го донира „плусот“ од првата зголемена плата
Објавено во: Македонија 11 Мај, 2023
Претседателот Стево Пендаровски денеска пред медиумите, меѓудругото, рече дека ќе го донира зголемениот дел од 72.000 денари од новата и повисока плата што ја добил за месец април.
Шефот на државата откри дека по 36 илјади денари донирал на две невладини организаци - детското ликовно студио во Свети Николе и здружението на информатичари на Македонија
Пендаровски претходно за медиумите потврди дека добил за 78 отсто повисока плата за месец април, откако Уставниот суд ги укина законските ограничувања.
- По ново 165.000 денари, по старо 93.000 денари. Тоа го објавија сите медиуми, потврди кратко шефот на државата пред новинарите.
Платата од 165 илјади денари беше претходна пресметка што се добива од множењето на ланската просечна плата со неговиот коефициент според функцијата што ја извршува.