Пендаровски: Oпозициската коалиција „тежи“ 50 мандати и има тенденција на пораст

Добивај вести на Viber

Oпозициската коалиција „тежи“ 50 мандати и има тенденција на пораст, вели Стево Пендаровски, носител на листа во изборната единица 1 на СДСМ кој синоќа се сретна со жителите на Сопиште и на Горно и Долно Соње.

Смета дека расположението на народот е неспорно на страна на опозицијата.

„Јас сум сигурен дека во првата изборна единица ние ќе се доближиме до 100.000 луѓе. Ако биде така, ние и по број на гласови и по број на мандати, ќе имаме минимум четвртина од парламентарното мнозинство и ќе правиме Влада. И во другите изборни единици опозицијата оди многу подобро од почетокот, така што во моментов проценките се дека опозициската коалиција „тежи“ 50 мандати и има тенденција на пораст“ - кажа Пендровски.

Тој вели дека водат убедливо и дека СДСМ ќе формира Влада. Додава дека 10 мандати имаат во првата изборна единица во рака, но сакаат да добијат повеќе Пендаровски објаснува дека посебно во малите места има притисоци врз луѓето. На граѓаните им порача дека не треба да се опуштаат поради фактот дека водат и дека контролорите мора да внимаваат на избирачките места. Смета дека тие се чуварите на победата, но треба да се внимава да не дојде до кражба на гласови.