Пендаровски: Продолжува вонредната состојба во траење од 14 дена
Објавено во: Македонија, Корона Вирус 15 Мај, 2020
Шефот на државата, Стево Пендаровски по седницата на советот за безбедност изјави дека се продолжува вонредната состојба во траење од 14 дена.
Вели дека на овој начин Владата со уредби ќе овозможи нормално функционирање.
„Траењето на вонредната состојба од 14 дена нема ама баш никаква корелација со одржувањето на избори“, рече претседателот.
Нова вонредна состојба како што објасни е потребна за да се справиме со економските ефекти.
Бара од Владата да размисли за постепено намалување на рестрикциите во однос на движењето на граѓаните и работата на стопанството.
Вели дека од оваа криза сите ќе научиме лекции.