Пеш преку Табановце, скопјанец сакал да пренесе над 90 илјади евра

Добивај вести на Viber

Спречен обид за нелегално внесување на 90 илјади евра и 28.300 дански круни на Табановце. Непријавените пари цариниците ги пронашле кај скопјанецот О.Р. кој вчера попладне на граница пристигнал со автобус, но на меѓуграничниот просторот одлучил да слезе од него и да ја помине границата пеш. Прашан дали има нешто да пријави, скопјанецот рекол дека со себе носи само личен лап-топ. При преглед на неговиот ранец, во два бели коверти, цариникот пронашол 100.000 евра и 28.300 дански круни (околу 4 илјади евра), информираа од Царинската управа. Против О.Р е поведена прекршочна постапка и му се вратени 10.000 евра, износ што според Законот за девизно работење може слободно да се внесе, а останатитепри му се одземени. Според директорот на Царинската управа Ванчо Каргов, од почетокот на годината има чести заплени на девизи. Од почетокот на годинава откриени се 42 обид за нелегално пренесување преку граница на готови пари и хартии од вредност во различни валути, во противредност од околу 430 илјади евра, од кои 330.390 евра, 44.000 американски долари, 90.900 швајцарски франци, 13.700 бугарски лева и 28.300 дански круни. Покрај ова одземени се и чекови во противвредност од 99 илјади евра.