Петар Андреевски избран за главен извршен директор на ВФП Фонд Менаџмент АД Скопје
Објавено во: Економија 26 Мај, 2015
Комисијата за хартии од вредност на Република Македонија на 70-тата седница со која претседаваше Претседателот на КХВ М-р Елизабета Чингаровска на Петар Андреевски и на Артон Лена им даде согласност да бидат именувани за извршни членови на Друштвото за управување со инвестициски фондови ВФП Фонд Менаџмент АД Скопје.Имено, Петар Андреевски ќе ја извршува функцијата- Главен извршен директор, а Артон Лена извршен директор.
Ваквата одлука, КХВ ја донесе откако констатира дека предложенитe кандидати ги исполнуваат со закон пропишаните услови, по што спроведе интервјуа во кои Петар Андреевски и Артон Лена покажаа соодветно познавање на прописите и практиката од областа на пазарот на хартии од вредност и воопшто од областа на финансиите и работењето на инвестициските фондови и поседуваат менаџерски и организациски способности. Согласно Одлуката на Собранието на акционери на Друштвото за управување со инвестициски фондови ВФП Фонд Менаџмент АД Скопје, Комисијата за хартии од вредност на Република Македонија одобри Петар Андреевски и Артон Лена да имаат мандат од три години.
На седницата што се одржа денеска на 26 мај, 2015 година, КХВ даде една дозвола за инвестициски советник.