Петнаесетина градови со минусни температури - во Берово најстудено

Добивај вести на Viber

Најстудено утрово е во Берово, каде што се измерени -16 степени. 

Утринската температура во Крива Паланка била -11, Лазарополе и Маврово -10, Крушево и Битола -9,  -8 во Прилеп, -7 во Тополчани, Претор, Пожаране, Виница, Демир Капија и Штип, -6 во Струмица, Дебар, Куманово, Ѓуриште и Охрид, -5 во Скопје и -1 во Гевгелија и Дојран.

Времето денеска ќе биде сончево со мала локална облачност и со слаб до умерен северозападен ветер. Максималната темература ќе достигне од 4 до 10 степени.

Во Скопје, времето ќе биде сончево со  слаб до умерен северозападен ветер. Максималната температура ќе достигне до 8 степени.

Времето утре ќе биде ведро и студено, а во текот на денот сончево со мала до умерена облачност. Во северозападниот дел од Македонија ќе има услови за локален и краткотраен дожд и снег на повисоките планини. Ќе дува слаб до умерен ветер од западен правец. Утринската температура ќе се движи од -8 до 0, а преку денот највисоката температура ќе достигне од 6 до 13 степени.

Во наредните денови следува период на претежно стабилно време со ниски утрински температури, на повеќето места ќе бидат и под -8 степени. Дневните температри  ќе бидат во  благ пораст. Во западните делови на Македонија ќе има услови за слаби локални врнежи од дожд, а снег само на повисоките планини.

Нови врнежи од снег нема, а формираната снежна покривка се движи од еден сантиметар во Пожаране, три во Штип и Крива Паланка, четири во Лазарополе, шест во Битола и Крушево, девет во Демир Капија, 10 во Ѓуриште, Тополчани, Берово и 22 во Маврово.