Петровски: За уривање на унитарност да се одзема државјанство

Добивај вести на Viber

Политичкиот активист Филип Петровски на социјалните мрежи посочи дека тој заедно со други активисти предвидуваат предлог закон со кој државните органи ќе може да донесат одлука за одземање на македонското државјанство на лица кои прават обиди за уривање на унитарност на Македонија.

- Државјанството на Република Македонија е право и чест, повлекува и должност за лојалност на граѓанинот на државата! Државјанството на Република Македонија се одзема привремено и(ли) трајно за дело против унитарноста и насилно уривање на уставниот поредок, е предлогот кој го откри Петровски.

Секако, во овој момент ваков закон не би поминал во собраниска процедура бидејќи конститутивната седница сеуште не е одржана, не е избран претседател на собранието, ниту пак мнозинството би поддржало вакво законско решение за кое е потребно и интервенирање во Уставот во поглавјата кои го регулираат стекнувањето или губењето на државјанството. 

Тоа, сепак, не е пречка да се постави овој предлог пред поддржувачите на актуелните простести каде главните пораки се насочени против опозицијата која може да изврши предавство на националните интереси преговарајќи и прифаќајќи дел од албанската декларација.