Петти ден на воздушни напади во Јемен
Објавено во: Свет 30 Март, 2015
Серија воздушни напади од коалицијата предводена од Саудиска Арабија ја потресе јеменската престолнина Сана ноќеска и рано наутро, објавија светски агенции.
Десетици семејства избегаа од главниот град за да побараат безбедно место.
Со еден од воздушните напади бил погоден и еден бегалски камп во земјата. Најмалку 21 лице починало, изјавил хуманитарен работник.
Инаку Ријад објави дека се повикани сите политички партии во Јемен да учествуваат во заштита на стабилноста и безбедноста на земјата.
Авионските напади се насочени кон шиитските бунтовници кои го контролираат главниот град од септември и поголем дел од Јемен. Денес е петтиот ден од нападите на од околу 10 арапски држави, кои преставуваат како кампања против бунтовниците. Нападите главно се насочени кон воени бази, борбени авиони, противвоздушни системи и платформи за ракети „Скад“, со кои и се закануваат Саудиска Арабија.
Во исто време бунтовниците, хуси продолжуваат со офанзивата кон градот Аден, каде се водат жестоки борби со лојалните борци на актуелниот претседател Абед Мансур Хади, објавија извори од двете завојувани страни.
Може да се слушне употреба на артилерија и ракети до аеродромот на Аден.