Пиперката „ајварка” на големо се бере, ќе има ли кој да ја купи?

Добивај вести на Viber

Во струмичкиот регион во полн ек е бербата на црвената пиперка ајварка позната како “куртовска капија”. Оваа година бербата започна речиси 15 дена порано од вообичаено. Земјоделците велат квалитетот и квантитетот е добар, но од  оние пиперки кои се произведуваат под фолија, додека родот од пиперките на отворено е послаб во однос на квалитетот, поради обилните дождови во период кога пиперките беа во цвет. Откупната цена е речиси иста како лани. Оваа година пиперката ајварка се отупува по цена од 10 до 20 денари за килограм во зависнот од класата. Според  пресметките откупната цена со  зголемените цени на репроматеријали, треба да биде 30 денари за килограм, за производството да им биде рентабилно. Но земјоделците велат дека годинава ниската цена не е проблем, туку слабата побарувачка за оваа пиперка. -Производната цена под фолија е поголема оти има повеќе трошоци и изнесува околу 12 денари за килограм. Обично родот од ова производство изнесува околу 30 до 50 тона по хектар. Производството на отворено е поевтино, и тука родот е околу 15 тона од хектар. Откупната цена е ниска, но нас не не загрижува толку многу цената, колку тоа што годинава има слаба побарувачка за оваа пиперка.  Мал е бројот на земјоделците кои имаат склучено договори со преработувачките капацитети. Според нашите информации, побарувачката стагнира бидејќи преработувачите имале големи залихи од готов производ. На терен нема ниту странски трговци. Некои денови доаѓаат доаѓаат трговци кои земаат минимални количини за свежа употреба по маркетите, но од тоа немаме корист, вели Ристо Велков, претседател на Регионалниот сојуз на земјоделци. Упатените во преработувачката индустрија коментираат дека секторот трпи последици од економската криза. Сепак дел од преработувачите велат дека се задоволни од извозот на готовите производи. Во однос на договорите сметаат дека и за земјоделците и за нив е најдобро да функционира договорното производство. Но за разлика од земјоделците, тие оваа година стравуваат дека е можно да останат без суровина за производство. - Договорното производство е добро да функционира се додека двете страни ги почитуваат условите од договорот. Ние си имаме постојани кооперанти со кои соработуваме и засега договорите се почитуваат и од нивна и од наша страна. Семтам дека има напредок во договорното производство, на пример ако порано 80 отсто било хаотично производство, сега е околу 40 отсто, а 60 отсто е договорно производство. Но оваа година можно е да се јави друг проблем. Стартот на бербата е добар, родото исто така, и сега за сега доволен, но не се прогнозира дали ќе биде доволен до крајот на откупот. Тоа зависи од усогласеноста на понудата и побарувачката. Ако се случи да странските преработуваи снемаат суровина и дојадт тука да откупуваат, тогаш ние повторно како некои години ќе се соочиме со недостиг од суровина, што е лошо за нашата индустрија, вели Виктор Петков, директор на “Випро”. Според процените се очекува род околу 50 илјади тони ајварка Споредено со пред неколку години вкупните површини со индустриска пиперка меѓу кои спаѓаат и оние со пиперка од сортата “куртовска капија”, бележат зголемување на производството за 35%, поради зголемување на површините за 56%. Aко во 2007 година вкупното производство на индустриска пиперка изнесувале над 39 .000 тони, во 2011 година е зголемено на 93.453 тони, од кои најголем дел отпаѓа на црвената пиперка. Црвената пиперка е најважната суровина за преработувачката индустрија. Според истражувањето на Македонската Асоцијација на преработувачи, количините на откупена црвена пиперка од преработувачките капацитети во 2012 година завземаат 58 отсто од вкупното откупено количество на суровина. Тоа е речиси 30 отсто повеќе во споредба со откупот на индустриската црвена пиперка во 2009 година. Црвената пиперка во преработувачката индустрија најмногу се употребува за производство на индустриски и домашен ајвар, лутеница и сечкани пиперки. Податоците покажуваат дека индустрискиот ајвар е производ кој најмногу се произведува во преработувачката индустрија. Лани 18 отсто од вкупното производство на преработки отпаѓа на индустрискиот ајвар, потоа следува производството на домашен ајвар, лутеница, сечкани пиперки и други преработки од зеленчук и вовошје. Податоците покажуваат дека и понатаму болна точка на преработувачката индустрија на овошје и зеленчук е слабата искористеност на капацитетите. Во 2005 година фабриките работеле со 27 отсто искористеност на капацитетите, а лани со 45 отсто. Слабата искористенот на капацитеите е резултат на опоравувањето на индустријата и пазарите од економската криза, а дел лежи во неконтинуираната понуда на квалитетна суровина, дијалог со добаувачите на суровини, дефинирани откупни цени пред почеток на сеозна и друго.  Преработувачката индустрија е извозно ориентирана гранка, од која лани во буџетот се слеале 46,1 милиони евра. Ј.С