Добивај вести на Viber
Туристите во Ватикан од Нова година ќе може да ги плаќаат влезниците за музеи, сувенирите или било што друго само во готовина откако италијанската централна банка одлучи да го блокира електронското плаќање во овој град-држава.
Весникот “Кориере дела Сера“ пишува дека блокадата е воведена оти Светата столица се’ уште во целост не ги презела сите безбедносни мерки што ги пропишува Европската унја во врска со спречувањето на перењето пари. Тоа значи дека италијанските банки немаат дозвола да работат на територијата на Ватикан, а “Дојче банк Италија“ соопштила дека повеќе нема овластување да му пружа услуги на електронски плаќања на Ватикан.
Ватикан тврди дека настојува да го реши овој проблем за илјадници туристи кои ги посетуваат неговите популарни музеи, но за сега не ги коментирал наводните причини за блокадата на електронското плаќање. Со цел подобрување на мерките за откривање и спречување на перењето пари, Ватикан само пред неколку месеци ангажираше швајцарски експерт.