Плажите во Грција под клуч до средината на јуни, билатерални договори за влез со земјите кои не се членки на ЕУ
Објавено во: Балкан, Корона Вирус 05 Мај, 2020 07:05
Во Грција почнува дво-месечниот постепен процес на ублажување на мерките, кој според грчкиот премиер Кирјакос Мицотакис треба да се одвива во седум етапи. Првата мерка, која е сосема иста како и во останатите земји кои почнаа со делумно ублажување на мерките е задолжително носење на маски и ракавици во затворен простор, како и одржување на социјална дистанца.
Инаку, се уште е на сила забраната за патување на островите, но Грција почна полека да се отвора. Веќе од вчера почнаа да работат приватните училишта но само за учениците од повисоките одделенија, а од средината на мај, грчката влада планира да ги отвори и државните средни училишта, но не и основните училишта. Затворени ќе останат и градинките до 1. јуни.
Во текот на оваа недела почнуваат да работат фризерските и козметичарските салони, но само со ограничен број на клиенти и тоа со задолжително носење маски и ракавици. На работа се враќаат околу 70.000 од вкупно 690.000 вработени, чии дејности беа стопирани поради карантинските мерки. Грција отвора 27.000 компании од вкупно 260.000. Од почетокот на следната недела ќе бидат отворени поголемите продавници, кафулињата на отворено, додека археолошките музеи, зоолошките и ботаничките градини, ќе бидат достапни за јавноста една недела подоцна, односно од 18. мај. Дури во четвртата фаза, од 1. јунаи се отвораат трговските центри, рестораните и кафеаните, со најмногу четири гости на една маса. Од истиот датум ќе бидат отворени и хотелите.
Во средината на јуни, пак, ќе бидат отворени кината, но и плажите, кои и покрај убавото време се уште се под клуч. И во последната фаза, а тоа е кон крајот на јуни, ќе бидат отворени ноќните клубови и фитнес центрите, кои се затворени простори. Грција е најзагрижена за туристичката сезона, бидејќи се проценува дека дури 65 отсто од хотелите би можеле да банкротираат. Сепак, министерот за туризам, Харис Теохарис вели дека а најважно што побрзо да се донесат заеднички правила на европско ниво и да се прецизира како и кога ќе може да се патува.Со земјите, кои не се членки на ЕУ, пак, најверојатно ќе се прават билатерални договори за влез во земјата.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Отсечена главата на шестметарскиот споменик на Тито во Велење
„БАЈРОН“ ПРЕДИЗВИКА СЕРИОЗНИ ПРОБЛЕМИ И ПОПЛАВИ ВО АТИНА - училиштата затворени
ОГРОМНА ГУЖВА, СЕ ЧЕКА И ДО 12 ЧАСА: EES направи хаос на границите со Унгарија и Хрватска
Американски конгресмени бараат од Трамп да го стабилизира Балканот, имаат сериозни забелешки за Србија
ЕВЗОНИ ПОВТОРНО БЛОКИРАН - земјоделците од Грција продолжуваат со протестите
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
„Не добивме позитивна одлука за НИС“: Вучиќ објави дека рафинеријата во Панчево ќе запре со работа
ЕВЗОНИ ПОД БЛОКАДА: Нема ни влез ни излез од Грција
Софија во хаос по најмасовниот протест во последната деценија, најмногу настрадаа партиските канцеларии
