ПО БАРАЊЕ НА ГРАЃАНИТЕ ВОВЕДЕНА „ИЗГОР“ ЦЕНА: Каде во Скопје ќе се плаќа 250 денари паркинг за час

Добивај вести на Viber

Паркирањето во центарот на Скопје за само еден час почнувајќи од петок ќе ве чини 250 денари, или од 09 август ако паркирате на паркингот кај Дом на градежници еден час ќе го платите околу 4 евра. Оваа го одлучи советот на општина Центар, на последната седница и истовремено Општина Центар ги послуша барањата на жителите на Градски ѕид. 

Жителите испратиле петиција до општината во која навеле неколку предлог мерки за решавање на долгорочиот проблем со паркирањето, околу зградите.

Од Јавното претпријатие за јавни паркиралишта „Паркинзи на општина Центар“ ја информираат јавноста и за прмените и начинот на организирање и наплата на паркиралиштето „Дом на градежници“.

Покрај цената прифатени мерки се и редуцирање на бројот на часови на гостинската карта (м-карта) на 2 часа, по 17:00 часот неограничено.

Исто така се воведува систем за препознавање на регистарски таблички и ќе се отстранат постоечките картички, а ќе се ограничи пристапот на комбињата за дотур на стока, односно ќе им се овозможи бесплатен пристап од 05:00 до 07:00 часот, во спротивно ќе ја плаќаат редовната цена за паркинг за 1 час.

Повисоката цена и другите прифатени мерки се за решавање на проблемот со паркирањето со кој секојдневно се соочуваат.