По Ден Дончев, и Христијан Мицкоски повикан во полициска станица
Објавено во: Македонија 29 Јуни, 2020
Христијан Мицкоски, претседателот на ВМРО -ДПМНЕ, е повикан на информативен разговор во полициската станица во скопски Центар, објави Фокус.
Лидерот на најголемата опозициска партија е повикан од полицијата поради случајот со Државниот пазарен инспекторат, кога беше затекнат како седи во внатрешноста на една од кафеаните на Боемска улица во Скопје, по што настана метеж помежу вработените, инспекторите и полициските службеници.
Претходно владеачкиот СДСМ и нејзиниот претседател Зоран Заев побараа од техничкиот министер за внатрешни работи Наќе Чулев да го повика Мицкоски на разговор по објавените нови „бомби“ во јавноста како што бил повикан поранешниот директор на Фондот за здравство, Ден Дончев.