ПО ФРАНЦУСКОТО ВЕТО ЗА МАКЕДОНИЈА: Дали српските граѓани ќе се обесхрабрат?
Објавено во: Македонија, Балкан 22 Октомври, 2019
Српскиот весник „Данас“ во анализата за влијанието на француската блокада на Северна Македонија, врз проевропските сили во Србија, констатира дека стопирањето на напредокот на Северна Македонија и Албанија во европските интеграции може да биде обесхрабрувачки за српските граѓани.
Сепак, тоа но не би смеело да биде и за проевропските политичари во Србија, пишува весникот.
Во оваа ситуација потребно е редефинирање на односите со администрацијата во Брисел и политичките чинители, но ЕУ не смее да престане да биде централна тема на определба на Србија, оценија соговорниците на Данас.
Професорот на Филозовскиот факултет во Белград и основач на новиот политички клуб „Глас“, Никола Самарџиќ, оцени дека ЕУ не смее да престане да биде централна тема на определбата на Србија.
„Одлуката на ЕУ да не одреди датум за почеток на преговорите за Северна Македонија и Албанија ги враќа Северна Македонија и Србија во зоната на руско влијание, додека Црна Гора и Албанија се релативно стабилни благодарение на членството во НАТО. Кои пораки ќе ги испратиме до гласачите во Србија и Северна Македонија, во овој момент, би помислил на тоа дека борбата за Европа е борба за самите нас, за уредена заедница на владеење на правото и дека можеби повеќе од кога и да е сме упатени едни на други“, вели тој.
Самарџиќ во анализата на Данас испраќа и лична порака до премиерот на Северна Македонија, Зоран Заев, дека му е на располагање бидејќи секоја политичка борба која води кон европска и на интеграција на соседите, е борба на сите нас за сите нас заедно.
Читајте уште
АНАЛИЗА НА ФАЈНЕНШЛ ТАЈМС: Ако се промени власта следат „црни“ денови во Македонија