07 Декември, 2019
0.0190

По невремето дали Македонците ги откажуваат аранжманите за Халкидики?

Објавено во: Македонија 16 Јули, 2019

Од повеќето туристички агенции велат дека македонските граѓани не ги откажуваат аранжманите за летување на Халкидики, иако минатата недела имаше невреме.

Велат дека дел од клиентите прашуваат дали состојбата е нормализирана, но не го откажуваат одморот. Тие смируваат дека Грците брзо реагирале и ги санирале штетите.

„Нема откажување на аранжмани за Халкидики, иако луѓето прашуваат. Но, ние сме ги провериле сместувачките капацитети, сѐ е во ред и луѓето можат да заминат на одмор спокојно“, велат од штипска туристичка агенција.

Од скопска туристичка агенција додаваат дека за 24 часа местата кои беа погодени од невреме се нормализираа.

„Грците беа брзи, брзо реагираа и утредента по невремето хотелите добија вода, струја, а невремето се случило во рок од само еден час. Наредот од невремето е расчистен, сепак е сезона и луѓето не откажуваат. Заминаа тури во четврток, петок, сабота и кажуваат дека состојбата е нормализирана, нема никакви проблеми“, додаваат од оваа агенција.

Од кавадаречка туристичка агенција велат дека проблеми имало само еден ден, но сега состојбата во Грција е стабилна, и луѓето можат да се упатат на море без грижи.

Грција деновиве ја погоди невреме, потоа имаше земјотрес, но и поплави.

Во невремето загинаа 7 лица, меѓу кои имаше и туристи. Грчките власти евакуираа десетици граѓани од поплавените куќи во западниот дел на земјата.

Повеќе од 3.500 молњи деновиве се регистрирани низ цела Грција. Невремето „Адиносос“ коешто ја зафати земјата се очекува да продолжи до среда. Органите за заштиа и спасување го проследија предупредувањето од метеоролозите дека бурата што доаѓа се очекува да биде проследена со силен ветер, обилен дожд и грмежи.

Од 2000 година 182 лица загинале во оваа балканска држава поради поплави, силен ветер и молњи, покажуваат статистичките податоци.

Сања Атанасовска

Можеби ќе ве интересира

Скопје е шестиoт најзагаден град во светот

Скопје е шестиoт најзагаден град во светот

ФОКУС НА ДЕНОТ: Камчев тврди дека „Империја“ е случај отворен за изнуда, Катица нема да добие апанажа

ФОКУС НА ДЕНОТ: Камчев тврди дека „Империја“ е случај отворен за изнуда, Катица нема да добие апанажа

Кој ќе биде новиот државен ревизор?

Кој ќе биде новиот државен ревизор?

Нема апанажа за Катица Јанева

Нема апанажа за Катица Јанева

Да им се суди во Хаг, бараат обвинетите за упадот во Собранието

Да им се суди во Хаг, бараат обвинетите за упадот во Собранието

Камчев: Сите што платиле реклама во 1ТВ, сите биле гонети од Јанева и Боки 13

Камчев: Сите што платиле реклама во 1ТВ, сите биле гонети од Јанева и Боки 13

Груевски до Пендаровски: „Заедничката“ историја стана „Бугарска“

Груевски до Пендаровски: „Заедничката“ историја стана „Бугарска“

Илија Димовски ќе предложи да не и се дава апанажа на Катица Јанева

Илија Димовски ќе предложи да не и се дава апанажа на Катица Јанева

ЖЕШКО ВО СУД: Камчев и Боки13 со различни тврдења-каде е торбата „Луј Витон“

ЖЕШКО ВО СУД: Камчев и Боки13 со различни тврдења-каде е торбата „Луј Витон“