ПО ПРЕЛЕЖАН КОВИД СТРАДА СРЦЕТО КАЈ ПАЦИЕНТИ БЕЗ ПРЕТХОДНИ КАРДИО ЗАБОЛУВАЊА: Професор д-р. Сидовска за Фактор

Добивај вести на Viber

И обичниот сезонски грип во некои случаи кај пациентите знае да остави последици на срцето во форма на воспаление. Истото тоа се случува и при корона вирусот, односно поради вирусната инфекција страда срцето кај млади пациенти кои претходно немале срцеви заболувања, но настануваат доколку се заразат со ковит и прележат тешка ворма на болеста, вели утринава за Фактор, професор д-р. Билјана Сидовска, една од најеминентните кадиолози во Македонија.

Професор Сидовска појаснува дека состојбата на белите дробови кои се најпогодени од корона вирусот, не може а да не остават и последици на срцето, но и на другите органи.

-Нивото на заситеност на крвта со кислород едноставно не може а да не се одрази и на другите органи во човековото тело и секако на срцето посебно. При тешка клиничка слика, при ниска сатурација со која се манифестира заболувањето на Ковид-19 се создаваат компликации на миокардитот. Станува збор за срцево воспаление кое по тешко прележан Ковид-19 е со трајни последици, потенцира професор Сидовска.

Истовремено, таа нагласува дека пак, луѓето кои веќе имаат кардиоваскуларни проблеми се најризичната група и тоа пред се оние со срцева слобост, дилатирана кардиомиопатија, хипертензија, потешки форми на аритмии.

-Дури 70 проценти од повозрасните страдаат од хипертензија, односно висок крвен притисок, а особено и поради возраста имаат и други здравствени состојби заради што корона вирусот е погубен за нив, вели професор Сидовска. 

А.Б.