ПО СКОРО СЕДУМ ДЕЦЕНИИ: „Тетекс“ престанува со работа
Објавено во: Економија 10 Февруари, 2020
По скоро 7 децении работа комбинатот „Тетекс“ од Тетово престанува со работа.
Информацијата е објавена на Македонска берза.
„Поради запазување на правата и интересите на акционерите и заради одржување и зголемување на вредноста на капиталот од една страна и грижа за вработените, зголемување на општествена одговорност и животната средина од друга страна, Тетекс АД Тетово во текот на месец Февруари 2020 год. ќе престане со производство на тешка конфекција и со максимално ангажирање и мобилизирање на расположивите материјални и човечки ресурси во наредниот перод ќе се ориентира кон останатите и нови попрофитабилни дејности“, наведено е во соопштение на Македонска берза.
Овој гигант започна со производството на 25 мај 1951 година. Во годините пред осамостојувањето, во „Тетекс“ имало повеќе од 8.000 вработени, а потоа следеа две децении во кои бројот на вработени се намалуваше.