ПОБАРА КОНГРЕС: Koвачевски се повлече од лидерската позиција во СДСМ

Добивај вести на Viber

Димитар Ковачевски се повлече од претседателската функција во СДСМ и го повика целото раководство да го направи истото. 

На денешната седница на Извршниот одбор на СДСМ, Димитар Ковачевски го потврди повлекувањето од функцијата претседател на СДСМ којашто ја најави на 8-ми мај, како високо морален чин.

„Ковачевски го потврди повлекувањето на денешната седница на партискиот Извршен одбор на СДСМ која ја најави на 8 мај, како високо морален чин и согласно Статутот на партија иницираше свикување конгрес заради анализа на изборните резултати и изјаснување за довербата на органите на СДСМ, избрани од конгресот, со оглед на изборните резултати“, информира СДСМ.

Партијата ќе ги анализира резултатите и слабостите во последните 4 години, можеби и во последните 7 години.

„Тој процес не смее да биде долг, но никако ни брзоплет, стихиен и експресен. Тој процес на длабока внатрешна промена и консолидација може да го изведат само оние кои се подготвени да се жртвуваат за иднината на партијата и демократијата во државата. Оние кои немаат багаж од било каков вид, особено не такви карактеристики, заради кои граѓаните го испратија СДСМ во опозиција и на локално и на централно ниво“, вели Ковачевски. 

Рече дека првиот чекор во консолидацијата на СДСМ мора да биде обновување на идеолошката и вредносна матрица која ќе ги собере сите прогресивни сили на левиот центар во државата.

Вториот чекор, треба да биде длабока кадровска промена и создавање на силен кадровски потенцијал, со вистински и докажани социјалдемократи, со вредности и знаење, со чесност и енергија, со мотив и со искреност кон партијата.

Вечерва во 19.30 часот, СДСМ ќе одржи седница на извршниот одбор, свикан по иницијатива на претседателот на партијата, Димитар Ковачевски.