ПОБЕДА ЗА ТРАМП: Сенатот го одобри амбициозниот проект за даночна реформа

Добивај вести на Viber

Сенатот на американскиот Конгрес, во кој мнозинство имаат републиканците, го одобри ноќеска амбициозниот проект за даночна реформа и намалување на даноците, што е важна победа за претседателот Доналд Трамп, пренесе Франс прес.

Текстот беше усвоен со 51 од 49 гласови и сега е усогласен со верзијата усвоена од Претставничкиот дом.

Реформата на даночниот систем ќе биде првото големо достигнување на 45-тиот претседател на САД, кој оваа есен не успеа да наметне укинување на законот за здравствена заштита од времето на Барак Обама, забележува АФП.

Ниту еден демократски сенатор не го поддржуваше реструктуирањето на републиканската даночна реформа од 1,5 милијарди долари. Боб Коркур сенаторот републиканец од Тенеси според кој растечкиот јавен долг е закана за националната безбедност, гласаше заедно со демократите против даночната реформа.

Таа ги постави основите за намалување на даноците за бизнисите и на луѓето со високи приходи и ќе биде првата значајна промена на даночниот систем во последните три децении, додава АП.

Еве ги главните бројки во буџетот.

-4.1 трилиони долари - вкупниот износ на предложените трошоци за следната година.

-3,6 трилиони долари - кратење во текот на следната деценија, за кои Белата куќа вели дека ќе постигне избалансиран буџет.

-610 милијарди долари - штедења, кои претседателот предлага да бидат направени во текот на следните десет години "Медикеи" - програмата преку која се преземат сметките за здравство и старечки домови на милиони Американци со ниски приходи.

-191 милијарди долари - заштеди што ги нуди администрацијата според програмата за купони за храна.

-2,6 милијарди долари - износот одвоен за гранична безбедност, вклучувајќи 1,6 милијарди долари за "планирање, проектирање и изградба на ѕид по јужната граница" (со Мексико).

-56 400 - бројот на војници, морнари и пилоти кои ќе го зголемат составот на Министерството за одбрана над оној што го планира администрацијата на Обама.

6 - број на недели на платено отсуство при раѓање или посвојување на дете според програма предложена за создавање.