До 50 % намалени цени на првиот саем за деца во Скопје Сити Мол во следните 3 дена

Добивај вести на Viber

Обележување на меѓународниот ден на детето 1 јуни со многу забава во рамки на саемот за деца во Скопје Сити Мол. Од 30 мај до 1 јуни на вториот кат во трговскиот центар Скопје Сити Мол ќе се одржи првиот саем за деца. Трите саемски дена, почнувајќи од денес попладне, ќе бидат исполнети со разновидни активности за децата и нивните семејства. Саемот е одбележување и на Интернационалниот ден на детето, 1 јуни. Богатата програма исполнета со конкурси, спортски активности, интересни и забавни квизови, едукативни работилници и мастер класови поддржани од повеќе брендови присутни во трговскиот ќе им овозможи на децата возбудлив викенд. Тие ќе можат да цртаат, учат пантомима, пеат караоке, учат, учествуваат во спортски активности, играат и да се натпреваруваат, додека за родителите ќе има едукативни работилници за правилна нега на деца и бебиња, совети од стоматолог и совети за образование на децата.

‘‘Се одлучивме да организираме ваков настан тргнувајќи од определбата на посетителите секогаш да им понудиме нешто повеќе од обичен шопинг. Целта на првиот детски саем е да им овозможи на децата едукација преку забава, дружење, игри и квалитетно време поминато со своите родители. Со саемот сакаме и да го одбележиме Интернационалниот ден на детето 1 јуни, да ја искажеме нашата почит кон највредното нешто на светот – нашите деца. Затоа, сакаме овој викенд во Скопје Сити Мол да биде исполнет најмногу со радост и детска смеа.‘‘ – изјави Ивајло Иванов, извршен директор на Скопје Сити Мол.

Се очекува интересот за првиот детски саем да биде голем, пред сè поради навистина богатата и разновидна програма како и попустите кои ги обезбедија брендовите присутни во трговскиот. Активностите во рамките на првиот саем за деца во Скопје Сити Мол се осмислени за сите членови на семејството, им овозможуваат можност за едукација, многу игра и забава.