Почина Виктор Мизрахи, таткото на Рашела Мизрахи и долгогодишен претседател на ЕЗМ
Објавено во: Македонија 01 Септември, 2022
Виктор Самуел Мизрахи, долгогодишен претседател на Еврејската заедница во Република Македонија, денеска почина по кусо боледување.
Мизрахи беше поранешен почесен конзул на државата Израел и татко на пратеничката од редовите на ВМРО-ДПМНЕ, Рашела Мизрахи.
Еврејската заедница се простува со него опишувајќи го како голем македонски патриот и еврејски лидер во чии мандат на претседателствување со Еврејската заедница се отвори синагога Беит Јаков во Скопје, финансиски се осамостои Еврејската заедница и се реализираше Фондот на холокаустот на евреите од Македонија.
„Виктор Мизрахи активно учествуваше на домашен и меѓународен план во реализацијата и изградбата на единствениот сефардски Меморијален центар на холокаустот на евреите од Македонија и во поставувањето на спомен обележје на депортираните македонски Евреи во меморијалната поставка во Треблинка“, велат од ЕЗМ.
Со него на социјалните мрежи се прости и Рашела Мизрахи.
„Збогум тато. Велеше да се живее со достоинство, чест и образ на земјата, значи да се има мир на небото. До следно видување. Виктор Самуел Мизрахи (1950-2022)“, напиша пратеничката.
Можеби ќе ве интересира
Тошковски: Со пари од „Државна лотарија“ се купувале имоти во земјата и странство
ОФИЦИЈАЛНО СЕ ОТВАРА СКИ ЦЕНТАРОТ „МИХАЈЛОВО“: Јанчев со покана до сите љубители на скиањето
ВО ДОГОВОРОТ ЗА ДОБРОСОСЕДСТВО НЕМА НИТУ ЕДЕН ЗБОР ЗА УСТАВНИ ИЗМЕНИ: Годишно обраќање на Силјановска - Давкова
Полицајци од Гази Баба и Арачиново си делеле бесправно бонус плати од по 600 евра
АКТИВИРАНА ЗИМСКАТА СЛУЖБА НА ГРАД СКОПЈЕ: Фрлиле 45 тони индустриска сол
„Ветувањата за ‘горда Македонија’ се нурнаа во неуставниот Закон за двојазичност“: Левица со остри кртики - измените протуркани на несоодветна комисија
АВТОБУС СЕ ИЗЛИЗГА ВО СОПИШТЕ: На патот има застој
СЕ БЛИЖИ НОВА ГОДИНА: Maкедонките сакаат да се средат на фризер, но една работа се смени со годините
ВИДЕОТО КАДЕ ШТО ГРУБИ, ОСМАНИ И ДРУГИТЕ ЧЛЕНОВИ НА ДУИ ИГРААТ ФУДБАЛ И КОШАРКА НЕ СМЕЕЛО ДА ИЗЛЕЗЕ ВО ЈАВНОСТ: Османи вели дека било грешка
