Почна распределбата на картички за „зелена нафта“ во Велес, картичките се доставени до над 60% од подрачните единици
Објавено во: Агробизнис 08 Август, 2019
Министерот за земјоделство, шумарство и водостопанство, Трајан Димковски, и директорот на Агенцијата за финансиска поддршка во земјоделството и руралниот развој Никола Бабовски беа во посета на Велес, кадешто денеска почна распределбата на 1.672 персонализирани картички за „зелена нафта“ со вкупна вредност од 6.659.533 денари.
„Преку оваа мерка на сметките на 55 илјади земјоделци враќаме околу 200 милиони денари со што се покриваат 30% од трошоците за нафта. Ова се сериозни средства кои ги враќаме кај земјоделците токму во време кога имаат и најмногу активности на поле. Со зелената нафта и со сите преземени досегашни мерки ги намалуваме производствените трошоци а со тоа го правиме домашниот агро – сектор пооддржлив“, изјави министерот Димковски.
До крај на овој месец сите кои исполнуваат услови за добивање на средства од оваа мерка ќе ги добијат персонализираните платежни картички.
„Платежната Агенција заедно со подрачните единици до денеска дистрибуираа вкупно 33.331 персонализирани платежни картички за зелена нафта. До денеска над 60 % или до 22 подрачни единици се доставени платежните картички. Апелирам, до сите земјоделци при подигање на картичките да направат споредба на износот кој го имаат на картичките со износот кој им е одобрен на решението“, истакна Бабовски.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
