Почнале бизнис заради опстанок, а денес нивниот производ го има и во кралските дворови
Објавено во: Финансии 24 Октомври, 2017
Тања и Раде Вучичевиќ почнале да се занимаваат со приватен бизнис заради езгистенција.
Спонтано дошле на идеја да произведуваат чоколадо и така ја создале марката „Premier čokolade“.
„Кога од оваа временска дистанца размислувам, сметам дека почетокот беше еден од најтешките периоди во нашиот живот, но тогаш не бевме свесни затоа што храброста и младоста кои одат рака под рака нѐ водеа. Тогаш бевме соочени со неверојатен начин на работење“ - вели Тања Вучичевиќ.
Нивната претприемачка приказна почнува пред повеќе од 25 години, кога времињата беа турбулентни.
Тања напуштила работа во државен сектор, а сопругот работел хонорарно во култура.
Во дуќанот каде продавале кафе и слатки, сакале да понудат и чоколадо.
Решиле да купат машини за чоколадо и да побараат стручна помош за да ја совладаат технологијата на производство.
Во 1996 година ги направиле првите три вида на чоколади.
Денес имаат над 200 различни чоколади, кои ги презентираат на саеми во Канада, Америка, Дубаи, Кина, Панама.
Ова семејство се надева дека и младите генерации ќе продолжат со овој бизнис.