Почнува расправата за буџетот за 2013-та
Објавено во: Економија 19 Ноември, 2012
Според поредлогот вкупните приходи се предвидени на 147 милијарди и 957 милиони денари, расходите се на ниво од 165 милијарди и 652 милиони денари, а буџетскиот дефицит е 3,5 проценти од БДП.
Планирано е продолжување на трендот на високо ниво на капитални расходи карактеристични за последните години односно е за околу 10,4 проценти повисоко во однос на оваа година. Предвидено е значително зголемување на здравствените програми, кај социјалните трансфери предвидени се 74 милијарди и 340 милиони денари, предвидено е 5-процентно зголемување на пензиите, како и петпроцентното зголемување на социјалната помош. 135 милиони евра од буџетот се предвидени за субвенции за земјоделците. Кај капиталните расходи издвоени се средства за неколку крупни инфраструктурни проекти пред се за почнување на изградбата на преостанатиот дел од автопатот на Коридорот 10, интензивирање на прокетот автопатот Демир капија-Смоквица, како и инвестиции во делот на железничката инфраструктура делот Куманото-Бељаковце и ремонтот на Коридорот 10. Во здравството се планирани 2 милијарди и 164 милиони деари, 1 милијарда и 909 милиони денари за образование, детска заштита, спорт, 413 милиони денари за технолошко-инудстриските развојни зони, како и 2 милијарди и 51` милион денари за енергетската област и комуналната инфраструктура.
Вицепремиерот и министер за финансии Зоран Ставрески на вчерашната владина седница информира дека буџетот ќе се презентира со аргументи. - Мислам дека тука добро стоиме бидејќи е многу реално проектиран со два отсто раст за следната година, што би било добро имајќи предвид дека и последните податоци од еврозоната се дека во третиот квартал цела Европа е во рецесија, Германија во стагнација, а Холандија и Финска се веќе во негатива. Имаме, како што усвои Владата, буџет со кој се обезбедува социјална заштита за граѓаните со порастот на пензиите и порастот на социјалната помош, доволно средства за земјоделците - 135 милиони евра за следната година, рече Ставрески.
Според него, ова е силната страна на буџетот, а втората е во делот на поддршката на стопанството, односно високото ниво на капитални инвестиции.
На владиниот предлог на буџетот во Собранието поднесени се 1.026 амандмани, од кои СДСМима поднесено 528 амандмани, НДП 460.
Можеби ќе ве интересира
Бугарскиот „Флекс Кредит“ ќе врти кај должници и ќе бара наплата за компании
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
„Алкалоид“ добитник на „Патент на годината за 2023“ за иновативниот „Омепразол“ во течна форма
Трендафилов: Газдите пријавуваа исчезнување на Непалките зошто им го платија патот до тука
Кина има за цел да склучи повеќе договори за слободна трговија, ветувајќи зголемена отвореност
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
СТАНОВИ И КАНЦЕЛАРИИ „ТЕШКИ“ 600 ИЛЈАДИ ЕВРА ОДАТ НА БАРАБАН: еве каков имот нудат банките на продажба
ССМ НАЈАВИ ПРОТЕСТ ЗА 1 МАЈ: Бараат минималецот да изнесува најмалку 450 евра
„ДОЈЧЕ БАНК“ ГИ ИЗНЕНАДИ АНАЛИТИЧАРИТЕ: Ја објави нето добивката
