Почнува садењето тутун во Прилепско
Објавено во: Агробизнис 30 Април, 2013
Поинтензивно во другите населени места, а потоа и во градот расадувањето ќе биде по велигденските празници, информираат од Сојузот на тутунските здруженија на Македонија.
- Расадот е добар, полека почнува садењето на тутунот во прилепско, а поинтензивно по празниците. Главно, годинава за 20 насто е поголем интересот за оваа индустриска култура, вели Данчо Милески, претседател на Сојузот.
За годинава во земјава се подигнати 33.090 евидентни листови од подрачните единици на Министерството за земјоделство,шумарство и водостопанство, што е за 4.000 повеќе од ланските 29.090 евидентни листови кои се виза за производството.
Само во Прилепско се подигнати 11.600 што е за 2.000 повеќе од лани. Според Сојузот, потпишани се и договорите со откупните претпријатија. Во нив за 4 до 5 насто се зголемени цените по класи. Во споредба со ланското производство од 27.000 тони, годинава се очекува реколта од околу 30.000 тони тутун.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
