ПОД ИСТРАГА: Кои судии го потпишаа решението за куќен притвор на Јанева?
Објавено во: Македонија 20 Ноември, 2019
Кои се тројцата судии од Апелацискиот суд кои донесоа одлука поранешната специјална обвинителка Катица Јанева да оди во куќен притвор и за кои обвинителката Вилма Русковска ќе побара финансиска истрага?. Тие се потпишани на решението за замена на притворот на Јанева во Шутка со домашен, но доцна синоќа Русковска тврдеше дека не го добила па не може да е сигурна кој го донел.
Што ќе се утврдува со таа истрага допрва ќе стане јасно.
Јанева од вчера попладнето е дома, односно во станот во центарот на Скопје во кој живее нејзиниот син. Таму ќе го чека судењето за случајот Рекет. Пристигна со полициско возило од каде излезе со качулка на главата која и го покриваше лицето.
Од Апелацискиот суд информираа дека првостепеното решение е преиначено и дека е одредена мерка куќен притвор заедно со мерки на претпазливост. Лекарската документација укажувала дека и со овие мерки може да се обезбеди нејзиното присуство.
Таа во затворот во Шутка беше од 21 август годинава кога беше уапсена како осомничена во Рекет. Првоосомничен во тој случај е Бојан Јовановски- Боки 13, за кого вчера адвокатот Сашко Дуковски тврдеше дека е во многу лоша здравствена состојба.
A.T.
Можеби ќе ве интересира
МУЦУНСКИ ГО РАЗРЕШИ ВНУКОТ НА АХМЕТИ: Дрин заминува порано од амбасадата во Брисел
ИЗБРАНО НОВО РАКОВОДСТВО НА МАКЕДОНСКИОТ ПОЛИЦИСКИ СИНДИКАТ: Еве кој ќе го води
НЕКОЈ ИМ СЕ ЗАКАНУВАЛ НА ПРАТЕНИЦИ: Добиле порака со заканувачка содржина
ПРЕТРЕС КАЈ ДВАЈЦА ПОЛИЦИСКИ СЛУЖБЕНИЦИ: Пронајдени автоматска пушка, два пиштоли и друго оружје
„ЈАС СУМ СЛОБОДНА, ЗОШТО МИСЛИТЕ ДЕКА НЕ СУМ?“: Катица Јанева вели од 2022 оди на викенди
ПОРАНЕШЕН ЗАТВОРЕНИК СТАНА ЗАМЕНИК ДИРЕКТОР НА ЗАТВОРОТ ИДРИЗОВО: Левица со обвинување
ДЕСЕТ ЗДРАВСТВЕНИ УСТАНОВИ ДОБИЈА НОВИ В.Д. ДИРЕКТОРИ: Еве кои се
СРПСКИ ПОЛИЦАЈЦИ ЌЕ ВОВЕДУВААТ РЕД ВО ОХРИД: Србија ни „позајмува“ четворица полициски службеници во август
