Подигнување на спомен-обележја одобруваат и градат општините, вели Ковачевски за споменикот во Слупчане
Објавено во: Македонија 14 Мај, 2022
За споменикот на ОНА во липковското село Слупчане, премиерот Димитар Ковачевски вели дека подигнување на спомен-обележја одобруваат и градат општините.
Тоа го прават со општински средства и општинските советници и градоначалникот одлучиле дека тие пари треба да ги вложат во такво обележје.
„Во услови на криза јас сметам дека советниците во сите општини и тоа во неколку наврати го имам кажувано, треба да размислат добро на што се инвестираат финансиските средства и со оглед на тоа дека се наоѓаме во голема финансиска криза и пред нас престои најтешката зима за нашите генерации и нешто постарите генерации откако паметиме“, рече Ковачевски.
На новинарско прашање дека во Прилеп семејството само подигнало спомен-обележје на еден бранител кој загина во Диво Насеље и дали во нашата држава постојат закони кои го регулираат оваа прашање, Ковачевски повтори дека со оглед на тоа што спомен обележјата се во надлежност на општините, тогаш и на Општина Прилеп останува на кој начин ќе донесе одлуки и како ќе се сеќава на оние кои што ги дадоа своите животи за државата.