Поевтино отколку со велосипед! Атина-Солун со авион за 10 евра!

Добивај вести на Viber

Ирската авиокомпанија „Рајанер“, позната по евтините авио-билети, внесе вистински немир на грчкиот пазар за авионски услуги со пролетна акција преку која промовира неверојатно ниски цени за летовите од Атина до Солун – од само 9,99 евра! Во моментот кога се појави понудата, беа блокирани сите грчки интернет страници на кои може да се резервираат карти за овој лет. Интересот е разбирлив ако се знае дека повратна автобуска карта на оваа релација, со пет часа возење, чини 60 евра, додека картата за воз за патување кое трае цели шест часа чини меѓу 30 и 50 евра. Додека граѓаните се среќни, домашните авиокомпании „Олимпик“ и „Егеан“ сериозно се вознемирени од конкурентот, па дури се обидоа и да го одложат почетокот на работата на ирската компанија.  Но правилата на единствениот европски пазар по ова прашање се јасни и ништо не може да ги спречи „евтините Ирци“ да им одземат парче од грчкото небо на домашните компании.