Покажете се на интервју – Три детали кои гарантираат успех

Добивај вести на Viber

Бидејќи никогаш нема да имате втора шанса за да оставите прв впечаток, прочитајте ги овие три важни совети од светските бизнис експерти, за да знаете за што треба да водите сметка кога одите на интервју за работа. Бидете фокусирани Покажете дека сте фокусирани така што ќе ги истражите клучните податоци за компанијата или фирмата во која сакате да се вработите. И најмало незнаење за фирмата е недопустливо во светот на модерна технологија. На разговорот дојдете јасно фокусирани на областа во која сакате да работите, и покажаете страст и интерес за позицијата за која аплицирате. Бидете стабилни и самоуверени Работодавците ценат ментално, емоционално и физички стабилни личности. Има многу кандидати за работа кои се квалификувани за одредено работно место, но нивниот очај и несигурност избиваат во прв план. Лош пример се оние кои толку го мразат своето претходно работно место или претходниот шеф, што имаат потреба да зборуваат само за тоа. Ниту еден работодавец не сака да слуша да зборувате лошо за претходниот шеф, бидејќи и тој сам би можел да се најде во таа позиција. Бидете профитабилни Профитабилност значи опстанок и раст, така што вашата способност да предложите начини на кои компанијата би можела да оствари дополнителен профит, е нешто што ќе ве издвои од останатите кандидатки. За да го направите тоа, прво мора да разберете како компанијата прави пари и како вашата улога во компанијата би придонела до тоа.