Полицајци се повредени во сообраќајка кај Деве Баир
Објавено во: Македонија 12 Јануари, 2022
Двајца полицајци вчера се повредени во сообраќајна несреќа кај граничниот премин Деве Баир.
Во 19.05 часот е пријавено дека во близина на терминал на Деве Баир, возилото „дачија дастер“, сопственост на МВР, управувано од полициски службеник, удрило во камион „рено“, со турски национални ознаки, кое го паркирал С.А.(63) од Р.Турција. Двајцата полициски службеници се здобиле со телесни повреди, констатирани во Здравствен дом Крива Паланка. Извршен е увид.