Полицијата спречи упад во домот на Канческа-Милевска
Објавено во: Македонија 15 Ноември, 2018
Полиција не им дозволи на демонстрантите од движењето „Македонија Бојкотира“ да дојдат пред домот на координаторката на новата пратеничка група во македонското Собрание, Еизабета Канческа-Милевска.
Овој пат органите на редот ја затворија уличката во скопската населба Пржино која води до домот на поранешната министерка за култура за да и го предадат протестното писмо по гласањето за уставните измени.
Полицијата воведе рестрикција на пристапот кон домот на пратеничката, откако минатата недела предводникот на „Македонија Бојкотира“ - Јанко Бачев му упати погрдни зборови на пратеникот Сашо Василевски кога овој излезе да ги пречека пред неговиот дом во Охрид.
Членовите на движењето говорот го одржаа пред полицискиот кордон.