Полицијата уапси охриѓанец кој се заканувал на амбасадор
Објавено во: Македонија 21 Април, 2022
Полицијата приведе охриѓанец кој упатил закани по животот на странски амбасадор.
Полициски службеници од Единицата за насилен криминал при СВР Скопје вчера го уапсиле Р. Б., со живеалиште во село во Охридско, поради сомнение дека сторил кривично дело загрозување на сигурноста. Полицијата постапила по пријава од 14 овој месец, според која едно лице телефонски упатило закани за животот на амбасадорот во странска амбасада во земјата. Преземени се мерки и активности, при што е утврден идентитетот на лицето, тоа е најдено и приведено, а во координација со јавен обвинител од ОЈО Скопје, денеска е поднесена кривична пријава.