Полицијата вели дека не сопрела ниту еден автобус на ВМРО-ДПМНЕ
Објавено во: Македонија
02 Јуни, 2018 22:21
Добивај вести на Viber
Полицијата не сопрела ниту еден автобус ангажиран од ВМРО-ДПМНЕ за вечерашниот митинг. Апсолутни невистини и лаги. Тоа се шпекулации - изјави Тони Ангеловски, портпаролот на МВР, за попладневниве зачестени обвинувања по социјалните мрежи за наводни попречувања и блокади на полицијата на автобусите полни со членови и симпатизери на ВМРО-ДПМНЕ упатени кон Скопје, на вечерашниот антивладин протест.
На социјалните мрежи имаше видеа и постовиод активисти и симпатизери на опозицијата за наводно попречување и контроли од страна на МВР на патиштата низ Македонија, но без можност автентично да се потврдат за што се однесуваат.
Во изјавата за МКД.мк Ангеловски вели дека овие тврдења на граѓаните дека вооружени припадници на МВР, наводно, со блокади и зачестени контроли на автобуси запираат пристигања во главниот град на Македонија на поддржувачите на ВМРО-ДПМНЕ се апсолутни невистини и лаги.