ПОЛИТИЧКАТА КРИЗА КОЧНИЦА ЗА ПОВИСОК РАНГ: Фич не го промени „ББ“ рејтингот на Македонија
Објавено во: Економија 18 Февруари, 2017
Да не беше политичката криза, агенцијата Фич ќе го ставеше рејтингот на Македонија на повисоко ниво.
Ова станува јасно од последното излагање на кредитната агенција која овој пат само го потврди рејтингот на Македонија или ја остави на истиот рејтинг „ББ“.
Проекциите на Фич се дека економијата на земјава во 2016 година забележала раст од 2,6 отсто од БДП а идните прогнози се дека во тековната година ќе имаме економски раст од 3,4 отсто.
Фич укажува на тоа дека рејтингот може да се влоши доколку продолжи политичката криза.
Во однос на јавниот долг кредитната агенција го оценува како одржлив, а банкарскиот сектор останува стабилен.
Лани во август Агенцијата Фич го намали кредитниот рејтинг на Македонија за едно скалило подолу, односно од ББ плус на ББ со негативни изгледи за натамошно надолно ревидирање ако политичката криза нема разрешница.
Со тоа сега земјата го има кредитниот рејтингот што го имаше во 2005 година.