Politico прогнозира дека Македонија нема да влезе во ЕУ до 2030 година

Добивај вести на Viber

Велика Британија може и да се обидува да ги напушти структурите на Европската унија, но се уште има најмалку 10 нации кои се борат за членство во Заедницата.

Златната ера на експанзија на ЕУ сепак е помината, коментира весникот Politico, цитирано од Focus-News. Што се однесува до Македонија, можниот датум за пристапување кон клубот на Брисел е одложен најрано за далечната 2030 година. 

Земјата има бројни меѓународни проблеми, а преговорите со ЕУ се болни. Грција се противи на името на земјата, што според Атина е израз на закана за територијалниот интегритет на нејзината област Македонија. Скопје има бројни спорови со Бугарија, а исто така и постојани проблеми ја ставаат под прашање демократијата и владеењето на правото во земјата.

Прогнозите за Молдавија исто така не се оптимистички: нејзината ѕвезда на знамето на ЕУ може да заблеска дури по 2035 година, при тоа шансата тоа воопшто да се случи е оценет на 50%. Молдавија има силни врски, сличен јазик и култура со Романија. Најголемиот минус сепак доаѓа од Транснистрија. Со помош на руско воено присуство областа најави создавање на република, која се стреми кон одвојување од Кишињев. Земјата е најсиромашни од сите потенцијални земји-членки на ЕУ, а минатиот месец нејзините граѓани избраа за свој претседател проруски кандидат Игор Додон.

Интересно е што во моментот експерти ги оценуваат како нулта шансите на Турција за членство во ЕУ. За Косово тие се 30%, но за пристапување кон Заедницата Приштина може да се надева по 2027 година. Во истата година ќе биде можно и членството на Босна и Херцеговина.