ПОЛОВИНА МИЛИОН ЕВРА ПРОМЕТ: Што од работата на Комерцијална банка го зголеми интересот за акциите
Објавено во: Економија 16 Јули, 2021
Безмалку половина милион евра е вкупниот промет со акциите на Комерцијална банка, вчера на берзата. Има вложувачи, а расте и цената. Комерцијална банка имаше фантастичен старт годинава, а последните случувања на пазарот на капитал само може да значат дека податоците за второто тромесечје се уште подобри.
Вчерашниот ден на берзата беше уште една потврда за тоа дека Комерцијална банка одработела добро и во вториот квартал годинава. Истргувани се 3.250 акции за вкупно 27,8 милиони денари што е 452 илјади евра или по 9.190 денари по акција во просек. Интересот се зголемува во месецот по истекот на второто тромесечје, но и по извесно размрдување на позиционираноста на акционерите во банката. Завчера беше направена нова блок трансакција во која беа истргувани 3.123 акции по цена пониска од пазарната вчера односно цената на акцијата во блокот беше 8.765 денари. Вкупно за сите акции купувачот плати над 445 илјади евра.
При крајот на минатиот месец, Адора инженеринг на бизнисменот Ванчо Чифлиганец плати 6,95 милиони евра со кои купи 48.837 акции со право на глас во „Комерцијална банка“. Акциите градежната компанија на Ванчо Чифлиганец ги плати по пазарна цена која изнесува 8.750 денари за акција. Со ова купување „Адора Инжинеринг“ сега поседува 15 отсто од сите акции со право на глас во најголемата македонска деловна банка. Досега „Адора Инжинеринг“ плати повеќе од 15 милиони евра за акции во „Комерцијална банка“.
Неколку дена подоцна ЗСФ ком на градежникот Фатмир Етеми, кој е претседател на Надзорниот одбор во нова блок трансакција вредна 5 милиони евра купи 1,6 отсто од акциите на банката.
Етеми самиот, исто така купи 4.312 обични акции издадени од банката, а за нив тој плати 37.730.000 денари или околу 613 илјади евра.
„Комерцијална банка“ успеа да ја зголеми добивката за првите три месеци за 64 отсто во споредба со истиот период лани.Добивката на банката за три месеци изнесува 5,86 милиони евра.
А.Т.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
МЕГАПРОЕКТ КОЈ ЈА МЕНУВА СЛИКАТА НА ЦЕЛИОТ КОНТИНЕНТ: Вреди 3,1 милијарди долари, го изградија Турците
КОЛКУ Е СЕГА БОГАТ МИСТЕРИОЗНИОТ КРЕАТОР НА БИТКОИНОТ, САТОШИ НАКАМОТО? Првиот „рудар“ престанал да копа во 2010 година
ОД САМОУК ИНЖЕНЕР ДО НАЈНОВ МИЛИЈАРДЕР ВО ВСЕЛЕНСКАТА ИНДУСТРИЈА: Станува опасна конкуренција на Илон Маск
ДО BBC СТИГНАА ВИДЕО СНИМКИ – РУСИТЕ ИСПОРАЧУВААТ НАФТА НА СЕВЕРНА КОРЕЈА: „Ова е нафта за проектили, нафта за артилерија и сега нафта за војници“
ШПАНИЈА КАЗНИ ПЕТ НИСКОБУЏЕТНИ АВИОКОМПАНИИ ЗА ВИСОКИТЕ ДАВАЧКИ ЗА БАГАЖ: Еве која заработи најголема милионска казна
ГРИН МАШИНС НА БРАКО НА КЛУЧЕН ЕВРОПСКИ САЕМ ЗА ЗЕЛЕНА И ЦИРКУЛАРНА ЕКОНОМИЈА ВО ИТАЛИЈА
НАПАДОТ ОД ВЧЕРА ИМАШЕ ВЛИЈАНИЕ: Руската валута е на најниско ниво во однос на доларот од март 2022 година
МИЦКОСКИ ОД СРБИЈА: Овој настан е доказ за моќта на соработката што нашите земји ја имаат кон унапредувањето на економските врски
СЕ ЗГОЛЕМИ ЦЕНАТА НА ЗЛАТОТО: Колку чини унца попладнево?
