Добивај вести на Viber
Претседателот на ЗЕЛС, Орце Ѓорѓиевски, ги повика сите колеги градоначалници да се солидаризираат со Делчево.
- Вознемирувачки и апокалиптични сцени пристигнуваат од Делчево од невремето со пороен дожд кое за жал, ги поплави речиси сите куќи во понискиот дел на градот и предизвика огромна штета. Возилата пливаат во вода, пропаднати се улици и оштетена е подземната инфраструктура, а водата не е за пиење.Со еден збор, Делчево со соочува со можеби еден од најголемите проблеми од своето постоење и затоа потребни сме сега да се солидаризираме како тоа што сме го правеле секогаш во минатото!Без разлика на политичката определба, верска или било каква - наша обврска е да помогнеме.Како претседател на ЗЕЛС, ги повикувам сите мои колеги градоначалници во Република Македонија уште еднаш да ја покажеме својата големина и да помогнеме во санирање на штетите од поплавените подрачја на нашиот источен бисер – градот Делчево.А како градоначалник на општина Кисела Вода, веќе на следната седница ќе поднесам иницијатива од советниците за обезбедување на финансиска помош од минимум 300.000 денари.Сега е момент кога секој од нас, согласно своите финансиски можности, треба да ја покажеме својата солидарност и благородност, бидејќи нема поголем и повисок чин од хуманоста. Сме се сплотиле секаде каде што било потребно, сега сме потребни дома.Ние не можеме против природните катастрофи, но можеме да помогнеме за Делчево и делчевчани! Во ова сме заедно!- напиша тој на Фејсбук.
ФОТО: фејсбук