ПОМИНА РЕЗОЛУЦИЈАТА ВО ЕП: Европратениците бараат позитивна одлука за Македонија на следниот состанок
Објавено во: Македонија 24 Октомври, 2019
Членките на ЕУ да ја поправат грешката која ја направија кон Македонија и Албанија со недоделувањето датум за отворање на пристапните преговори а за тоа денеска се изјаснија европските пратеници со 412 гласа ЗА, 136 против и 30 воздржани во Европскиот парламент.
Тоа значи дека резолуцијата помина а Европскиот парламент денеска нагласува дека двете земји ги исполнуваат условите за започнување на преговори.
-Парламентот изразува длабоко разочарување поради неуспехот да се договорат преговори за пристапување во ЕУ на Македонија и Албанија на самитот на ЕУ на 17 и 18 октомври-стои во текстот на ЕП.
Европските пратеници жалат поради потегот на Франција, Данска и Холандија да ја блокираат одлуката и велат дека нашата земја и Албанија вложиле значајни напори во послендите неколку години и ги исполниле критериумите на ЕУ за започнување на разговори за членство.
Фалејќи ги напорите на Северна Македонија да ги реши тешките билатерлани прашања со соседните земји, пратениците во ЕП иисто така ја поздравуваат неодамнешната реформа за правосудството во Албанија.
СТРАТЕШКА ГРЕШКА
Парламентот нагласува дека недоделениот датум на челниците на ЕУ е стратешка грешка која му штети на кредибилитетот на ЕУ и праќа негативна порака на други можни земји кандидати. Исто така би можела да им овозможи на други странски актери - чии активности можени не се во согласност со вредностите и интересите на ЕУ - тесна соработка и со Албанија и со Северна Македонија-се образложува понатаму.
Реформата на процесот за проширување , која ја заговараат некои земји, не би требало да биде пречка за Македонија и Албанија, кои веќе ги исполнуваат барањата по сопствените заслуги и објективни критериуми, а не ги оценуваат домашните политички програми во други земји, стои во објавениот текст на сајтот на Европскиот парламент.
ВРЕМЕ Е ЗА ОТВОРАЊЕ НА ПРЕГОВОРИ СЕГА
Европратениците ги повикуваат земјите на ЕУ да се однесуваат одговорно кон Албанија и Северна Македонија и на следниот состанок да донесат едносгласна позитивна одлука. Како што се нагласува во заклучокот, Парламентот би требало да ги зголеми своите активности за поддршка на демократијата како би се осигурал дека националните парламенти на Западен Балкан ја играат својата улога како покренувач на демократски реформи.