Поповски спроведен во Шутка
Објавено во: Македонија 22 Мај, 2018
Девет години затвор доби Ѓоко Поповски, поранешниот помошник министер во МВР во случајот „Триста“. Оваа пресуда денеска во Кривичниот суд ја соопшти судијката Добрила Кацарска.
Поповски по изрекувањето на пресудата директно е спроведен во истражниот затвор во Шуто Оризари.
Обвинителката Фатиме Фетаи побара обвинетиот да оди во притвор, поради висината на досудената казна, но и сумата од 27 милиони денари кои треба да ги плати како отштета.
Ова што го видовме денеска не е суд и правда, туку реализација на партиско политички нарачки и неправда, реагираа денеска од ВМРО-ДПМНЕ.