ПОРАДИ БРЗАТА СМРТ ПОБАРАНА Е ОБДУКЦИЈА - во Битола починала 33 годишна жена која не била позитивна на ковид
Објавено во: Македонија 17 Јануари, 2022
Утринава на Инфективното одделение во Битола починала жена на 33-годишна возраст, објави Независен. Од Клиничката болница Битола велат дека жената не била позитивна на вирусот, но е хоспитализирана како сомнителна на ковид-19. Поради брзата смрт побарана е судско-медицинска обдукција врз телото на починатата со цел да се утврди причината за смртта.
„Синоќа е примена пациентката на 33 години на Инфективното одделение во Битола како сомнителна на Ковид-19, без потврден тест. Хоспитализирана е и дадена е соодветна терапија. По влошување на ситуација преземени се реанимациони мерки. Побарана е обдукција. Според податокот од дежурните лекари во системот не се заведени коморбидитет, освен обезност. Пациентката не била вакцинирана. Телото е предадено на судско- медицинска обдукција со цел да се утврди причината за смрт, велат од Клиничката болница Битола за весникот.