ПОРАДИ ИСПЕЧАТЕН ЛАЖЕН РОК: Уништени 6000 јајца
Објавено во: Економија 22 Јуни, 2015
Поради лажен рок на траење од Агенцијата за храна и ветеринарство соопштија дека се откриени и уништени околу 6000 јајца во магацин во супермаркет во скопско Батинци.
Имено, спротивно на законските одредби на нивната амбалажа наместо 28 дена, било испечатен рок на употреба од 30 дена.
Од агенцијата велат дека најголем дел од јајцата не биле пласирани на пазарот и не биле пуштени во малопродажната мрежа, при што производителот „6 браќа”добил парична казна од 5.000 евра за правното и 500 евра во денарска противвредност, за одговорното лице.
Годинава оваа е втора мерка како му се изречува на истиот производител, во март е констатирано дека пуштил во промет 5.000 јајца со деклариран подолг рок на употреба од законски пропишаниот.
Се најавуваат засилени инспекциски контроли во екот на туристичкава сезона во сите населени места.
Пред точно 20 дена Агенцијата повлече од продажба 5.000 јајца кои биле несоодветно обележани и небезбедни за јадење. Од Агенцијата не сакаа да коментираат ниту за марката на јајцата ниту за компанија се работи, иако на упатените во овој бизнис им е познато името на компанијата. Алсат-М објави дека станува збор за јајца под брендот „Супер јајце – пакинг“ произведени на фарма во Србија, а увезени од компанија од Кавадарци. Јајцата се пронајдени во два поголеми маркети, а инспекторите извршиле контрола по поднесена пријава од потрошувач. Од Агенцијата велат дека сите 5.000 јајца се повлечени и уништени.
Апел до граѓаните да внимаваат на датите втиснати на амбалажите и прехрамбените, како и на сите производи во екот на летната сезона. Внимавајте што купувате.