Поради коронавирусот се зголеми смртноста во Македонија
Објавено во: Македонија, Корона Вирус 19 Јуни, 2021
Зголемена е смртноста, а поголем е бројот на починати мажи во земјава во однос на жените. Коронавирусот ја зголеми смртноста во Македонија, а само во ноември починале 3.847 луѓе.
Податоците на Државниот завод за статистика покажуваат дека бројот на умрените лица е зголемен за 26 проценти во текот на минатата година во однос на 2019 година и изнесува 25.775 умрени лица. Поголемот број се од машки пол и тоа, 13.914 лица или 54 проценти од вкупниот број на починати. Според месецот на смртта, најголем број случаи – 3.847 се регистрирани во ноември минатата година, односно кога земјата беше зафатена од голем бран на ковид-19. Просечната возраст кај умрените од машки пол изнесува 71,6 години, односно 75,3 години кај лицата од женски пол.
foto freepik