Поради микробиолошко загадување се повлекува лекот „Фервекс“

Добивај вести на Viber

Се повлекуваат дел од производите Фервекс од аптеките. Според денешниот допис од Бирото за лекови, стигна ваква препорака откако тие претходно биле контактирани од компанијата Фармасвис ДООЕЛ, која е застапник на производителот „Bristol-Myers Squibb“- Франција дека одлучиле превентивно да ги повлечат сите серии од производот „Fervex“ за возрасни со шеќер, гранулите за перорален раствор (во ќесички). Во аптеките останува „Fervex sugar free“ (гранули за перорална употреба без шеќер)бидејќи производителот посочил дека нема сомневања за нивниот квалитет. Од Бирото за лекови посочија дека повлекувањето е превентивна мерка додека трае испитувањето на сите лотови на производот „FERVEX®ADULT RASPBERRY“, кој не е регистриран во Македонија, па со тоа го нема на продажба во нашите аптеки. Производителот пак соопшти дека залихата од сите серии на производот е повлечена од магацините, а сега се повлекуваат и лековите кои стигнале на полиците од аптеките. Според нивните сознанија лекот се повлекува поради микробиолошкото загадување, забелажано кај два лота од производите.