ПОСЕБЕН РЕЖИМ: Гинеколошко-акушерското одделение од Куманово соопшти како ќе работи
Објавено во: Македонија, Корона Вирус 11 Април, 2020
На Гинеколошко-акушерското одделение во Општата болница Куманово се воведува посебен режим на работа, соопштија од болницата.
Додаваат дека сите итни и неодложни животно-загрозувачки случаи од гинеколошко акушерска природа ќе бидат најпрофесионално третирани на Гинеколошко акушерското оделение.
Од Општата болница Куманово известуваат дека за секоја понатамошна промена во режимот на работата на Гинеколошко-акушерскиот одел, граѓаните навремено ќе бидат информирани.
Општинскиот кризен штаб претходно побара времено затворање на одделението.Во кумановската болница имаше дваесетина позитивни здравствени работници.
Заразени беа и вработени на инфективното одделение.
Вчера во Куманово се потврдени нови 25 случаи на Ковид 19.