ПОСКАПУВАЊЕ на цигарите во Македонија
Објавено во: Македонија 12 Април, 2018
Дел од цигарите што се продаваат во маркетите низ Македонија поскапеа. Според информациите кои ги објави порталот Прес24, ако сакате да купите кутија Марлборо, од денес ќе треба да платите 10 денари повеќе.
Речиси секоја година, периодот март-април е препознатлив по тоа што започнуваат првите покачувања на цените на цигарите како подготовка за зголемувањето на акцизата која секоја година се случува на 1 јули.
Законот за акцизи на цигарите и производите од тутун предвидува зголемување на цената на цигарите секоја година за најмалку 4 денари до 2023 година што би значело дека со вакво темпо, одредени брендови може да се продаваат и до 200 денари.