Последните „џиновски“ праски од Росоман нема да стигнат до Русија ?
Објавено во: Агробизнис 11 Август, 2018
Овоштари од Росоманско попладнево изразија вознемиреност по најавата на рускиот санитарен регулатор за безбедност на храна дека од 15 август ќе воведе забрана за привремен увоз на праски од Македонија поради загриженост за безбедноста.
Речиси целокупната берба на препознатливите огромни праски од Росоман одат за извоз во Русија.
– Во моментов околу 500 тони праски чекаат во ладилникот, имаме најава за 20 камиони за утовар за Русија, но сега работата е стопирана. Ова се и последните количини на праска зашто бербата е при крај, рече Владо Орданов од Росоман, еден од поголемите откупувачи на праски и сопственик на ладилник.
Градоначалникот на Росоман Бранко Јанев нагласи дека во моментов бербата на последните сорти праски е при крај.
– За оваа година бербата на праските е при крај и сметам дека нема да се одрази негативно, но долгорочно ако се гледа не е добар потег, додаде Јанев.
Општина Росоман е најголем производител на праски во Македонија.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
